Експлозивна направа фрлена врз домот на Здравко Чолиќ во Белград

Експлозивна направа била фрлена ноќеска врз куќата на пејачот Здравко Чолиќ во Белград.

Пејачот, неговата сопруга и ќерката биле во куќата во моментот на детонацијата, но не се повредени. Полицијата се сомнева дека станува збор за рачна граната. Предизвикана е материјална штета.

Властите се сомневаат дека бомбата била фрлена врз имотот на Чолиќ по грешка во темница, а целта најверојатно бил еден од соседите од околните вили. 

Се истражува причината за нападот.