Блокиран патот Битола-Ресен поради одземени возила

Од попладнево е блокиран патниот правец Ресен – Битола, кај месноста позната како „Ромска населба“.

Граѓани запалија гуми на коловозот, протестираат изразувајќи незадоволство од измените во законот за сообраќај и одземањето на неколку моторни возила.

На местото се присутни полициски екипи кои ја следат состојбата и преземаат мерки за одржување на јавниот ред и безбедноста.