ЦК ВМРО-ДПМНЕ: Избор на нов ИК и раководство

Централниот комитет на ВМРО-ДПМНЕ на предлог на лидерот и премиер Мицкоски, ќе избира нов состав на извршниот комитет и ново раководство на партијата.

Во интервјуто за МТВ, Мицкоски откри дека се укинува потпретседателската функција, а актуелните потпретседатели ќе бидат предложени за членови на извршниот комитет. До следниот конгрес и избор на нов лидер, партијата ќе функционира само со генерален секретар.

Директорот на владината служба за општи и заеднички работи Ивица Томовски, пратеникот Драган Ковачки и актуелниот генерален секретар и пратеник Ѓорѓија Сајкоски се трите имиња кои се споменуваат како фаворити за нов ген-сек на владејачката партија.

Се очекува Централниот комитет да распише повик за избор на нови претседатели на Униите на ветерани, на жени и на Унијата на млади.