Се стега обрачот на академската фела, измени во Законот за високо образование
За едни добра вест, за други построги критериуми. Високото образование ќе претрпи големи промени најави Јаневска. Дирекно вработување на најдобрите студенти, реизбор на професорите на секои седум години и повеќе научни трудови. Три закони објавени на ЕНЕР.
Најдобрите студенти кои студираат на светските и домашните универзитети, добитниците на наградата „Инженерски прстен“ ќе имаат предност при вработување на државните универзитети.
Се стега обрачот на академската фела. Кандидатите за доцент, вонреден и редовен професор ќе треба, во зависност од звањето, да објават меѓу шест и седум научни трудови. Мандатот на ректорите од 3 се зголемува на 4 години. Ова се дел од новините во трите закони за високо образование, кои треба да донесат поголем квалитет, објаснува министерката Јаневска.
Два од предлог-законите се веќе објавени на националниот ЕНЕР систем, а законот за наука и за научно-истражувачка дејност ќе биде објавен деновиве, најави министерката Јаневска.
Законите на ЕНЕР ќе останат 30 дена, а по две недели се очекува да има јавна расправа на универзитетите како и јавна расправа во Собранието.
Ана Јосифоска