Договорени повисоки плати за 11 илјади административци
Повисоки плати за 11 илјади вработени во администрацијата. Власта и синдикатите се договорија, ќе почнат дијалог и за нов општ колективен договор...
Владата со УПОЗ при ССМ и САДУ при КСС постигна договор за зголемување на платите на административците за 40 проценти, етапно во следните три години. Над 95 насто од членовите на репрезентативните синдикати од администрацијата и правосудството се согласиле со предлогот. Исплатата ќе започне од март откако ќе потпишат поединечни колективни договори. Синдикалците и власта ова го оценија како историски чекор.
11.000 вработените во администрацијата, судовите и обвинителствата ќе добијат зголемување на платите. Проценките се дека на годишно ниво ова ќе чини десетина милиони евра. Вакви договори веќе се потпишани за зголемување на платите во здравството, образованието, МВР, Центрите за социјални работи. Синдикатите и власта се договориле да го почнат дијалогот и за нов општ колективен договор.
„Еден проблем е решен, но синдикалната борба продолжува, велат од ССМ, од каде за вторник најавија блокада на Собранието, бидејќи како што велат, пратениците една година го чуваат Законот за зголемување на минималецот во фиока.
Александра Велинова