Намалување на цената на мазутот, без промени кај бензините и дизелот
Намалување има кај мазутот М-1 НС, чија цена се намалува за 0,235 денари по килограм и ќе изнесува 33,650 денари/кг.
Регулаторната комисија за енергетика, водни услуги и услуги за управување со комунален отпад (РКЕ) донесе одлука за намалување на малопродажните цени на нафтените деривати во просек за 0,14 проценти, во однос на одлуката од 2 февруари 2026 година.
Со одлуката не се менуваат цените на моторните бензини ЕУРОСУПЕР БС-95 и ЕУРОСУПЕР БС-98, како и на дизел горивото ЕУРОДИЗЕЛ БС (Д-Е V) и екстра лесното масло за домаќинство (ЕЛ-1).
Намалување има кај мазутот М-1 НС, чија цена се намалува за 0,235 денари по килограм и ќе изнесува 33,650 денари/кг.
Од 10 февруари 2026 година, од 00:01 часот, максималните малопродажни цени на нафтените деривати ќе изнесуваат:
ЕУРОСУПЕР БС-95 – 72,00 денари за литар
ЕУРОСУПЕР БС-98 – 74,00 денари за литар
ЕУРОДИЗЕЛ БС (Д-Е V) – 68,00 денари за литар
Екстра лесно масло за горење ЕЛ-1 – 67,00 денари за литар
Мазут М-1 НС – 33,650 денари за килограм.