РСБСП со апел за 14 Февруари: Без алкохол зад воланот за празникот на љубовта и виното

Републички совет за безбедност на сообраќајот на патиштата упати апел до сите учесници во сообраќајот да бидат внимателни, совесни и одговорни за време на празникот на виното и љубовта – 14 Февруари, Свети Трифун и Денот на вљубените.

Од Советот повикуваат граѓаните да не управуваат возило доколку консумирале алкохол, туку да користат јавен превоз, такси или возач кој не пиел алкохол. Воедно, апелираат на почитување на сообраќајните правила и грижа за безбедноста на сите учесници.

„Празнувајте со срце, возете со разум – затоа што секој живот е важен“, порачуваат од РСБСП.