Нови пакети поддршка за Украина

Системите за противбалистичка ракетна одбрана се проблем број еден оваа зима, вели претседателот Володимир Зеленски. По Минхенската безбедносна конференција најави нови пакети поддршка за Украина и енергетски пакети за следната недела. Во пресрет на трилатералните мировни преговори утре, Зеленски нагласи дека Киев нема да ја повтори грешката од 2014 година.

„Клучен приоритет се ракетите за воздушна одбрана, особено за заштита од балистички закани. Очекуваме состаноци и работа на нови енергетски пакети. Украина секогаш ќе остане конструктивна, но граѓаните мора да видат вистински напредок во безбедноста за да имаат доверба во дипломатскиот процес“, изјави Володимир Зеленски, претседател на Украина.

Словачкиот премиер Фицо предупреди дека без контакт со Русија, западните лидери нема да можат да зборуваат за прекин на конфликтот, додека Рубио истакна дека САД сакаат Европа како силен партнер, а не како зависен вазал.