Јавниот сектор не е подготвен за примена на ВИ, покажала Државната ревизија

Јавниот сектор не е подготвен за примена на вештачка интелигенција, покажала Државната ревизија. Во анализираниот период 2024 година главно се посочува дека слаба е заштитата на човековите права, без јасни правила и надзор. Нема доволно развиени институции и експерти за развој на примената на вештачката интелигенција. Постои напор на државата за регулирање, но е недоволен - велат ревизорите.

Ресорниот министер, Андоновски уверува дека се бележи напредок на ова поле. Интегриран е AI асистент, овозможено е пребарување на природен јазик, се прават заштити на личните податоци и веќе е реалност иницијативата ВЕЗИЛКА. Се прави пристап до големи податоци и македонскиот јазичен модел.

Експертите предупредуваат на безбедноста и ризиците по неа.

Јавната расправа се отвори откако ревизорите укажаа на немањето системска рамка за примена на вештачката интелигенција од јавниот сектор.

Фиљана Кока