Продолжуваат мировните преговори во Женева, територијалните прашања во фокус

Втор ден од мировните преговори во Женева откако делегациите на Украина, Русија и САД го затворија политичкиот дел од разговорите. Територијалните прашања остануваат во фокусот.

За нивно решавање најдобар начин е тет-а-тет средба со Путин-изјави Зеленски за „Аксиос“. Потврди дека му наложил на тимот да организира иден состанок на раководно ниво во Швајцарија.

Изјави дека Киев е подготвен за брз и достоинствен договор, но тоа зависи од Москва, посочувајќи ја руската несериозност по масовниот напад за време на преговорите.

„Дури и на денот кога започнаа состаноците во Женева, Русија одговори со масовен напад. Ова јасно покажува што навистина сака Москва. Украина е подготвена брзо да се движи кон пристоен договор за завршување на војната. Прашањето е – дали Русија е подготвена за вистинска дипломатија и траен мир?“, нагласи Зеленски.