Одбележување на Меѓународниот ден на мајчиниот јазик

Во амфитеатарот на Институтот за македонски јазик „Крсте Мисирков“ – Скопје, денеска ќе биде одбележан Меѓународниот ден на мајчиниот јазик.

Најавено е поздравно обраќање на директорката на Институтот за македонски јазик „Крсте Мисирков“, проф. д-р Елена Јованова-Грујовска.

Обраќање на тема за значењето на мајчиниот јазик ќе има проф. д-р Гоце Цветановски, научен советник во Институтот за македонски јазик.

На свеченоста ќе настапи актерот Никола Ристановски. Настанот ќе биде збогатен со читање поезија од ученици од основните и од средните училишта.