Нема исклучување за неплатена сметка без решение и знаење на корисникот

ЕВН, „Топлификација“, кабелските и телефонските оператори нема да може да исклучуваат за неплатена сметка без знаење на корисникот и без решение.

Тие ќе имаат обврска и пред евентуалното исклучување да поднесат постапка до Управниот суд.

Ова се предвидува во новиот Закон за општа управна постапка, со кој се нуди поголема заштита на правата на корисниците. Законот е подготвен согласно со европските стандарди и начела со помош на експерти од Европската унија.

Министерот за информатичко општество и администрација, Иво Ивановски се надева дека новиот закон ќе ја подобри работата на администрацијата, а граѓаните ќе бидат позадоволни од услугите.