Парк Чан-вук на чело на жирито во Кан
Парк (62) е првиот Јужнокореец на оваа функција, а зад себе има повеќе признанија од фестивалот. Тој изјави дека Кан ја одразува неговата „рана и длабока приврзаност кон корејското кино“.
Јужнокорејскиот режисер Парк Чан-вук е назначен за претседател на жирито на годинашниот Кански филмски фестивал, соопштија организаторите.
Жирито ќе одлучува за „Златната палма“, која ќе биде доделена на 23 мај. Парк (62) е првиот Јужнокореец на оваа функција, а зад себе има повеќе признанија од фестивалот. Тој изјави дека Кан ја одразува неговата „рана и длабока приврзаност кон корејското кино“.
Парк го наследува претседателството од Жулиет Бинош, која во 2025 година со жирито ја додели „Златната палма“ на Џафар Панахи за филмот „Едноставна несреќа“.
Во својата кариера, Парк во Кан го освои „Гран при“ во 2004 година за „Стариот“, наградата од жирито во 2009 за „Жед“, а во 2022 беше прогласен за најдобар режисер за „Одлука за заминување“.
79 издание на фестивалот ќе се одржи од 12 до 23 мај, а официјалната селекција се очекува во април.