Работната група за реформи во изборното законодавство откажана поради јазични бариери
Партиите очекуваат ресорното министерство да подготви работна верзија на новиот Изборен законик, во кој ќе бидат вклучени сите барања на политичките партии, и потоа законот да се донесе со консензус...
Работната група за Изборниот законик, формирана од парламентарните групи и од независните пратеници не започна со работа поради јазичните бариери. Европскиот фронт побара сите материјали да бидат преведени и на албански јазик.
Партиите очекуваат ресорното министерство да подготви работна верзија на новиот Изборен законик, во кој ќе бидат вклучени сите барања на политичките партии, и потоа законот да се донесе со консензус. Левица, ЛДП и ЗНАМ се за една изборна единица со праг, отворени листи и намалување на бројот на пратениците во законодавниот дом.
СДСМ повика да се вклучат и препораките од ОБСЕ и ОДИХР.
Во ВМРО-ДПМНЕ подготвени со консензус да се стигне до решение.
Новите правила треба да се договорат до јуни, да се применуваат од следните парламентарни избори.
Игор Панов