Партии

ВМРО-ДПМНЕ и СДСМ со меѓусебни обвинувања за домашниот притвор на Артан Груби

28.02.2026 16:11

Власта и опозицијата и денеска со меѓусебни обвинувања по одредувањето домашен притвор на Артан Груби. СДСМ беше сојузник на криминалот на Груби, велат од ВМРО-ДПМНЕ. Социјалдемократите со став – случувањата поврзани со поранешниот вицепремиер претставуваат театар кој веќе прераснува во циркус...

Не престануваат политичките реакции за тоа кој направил договор со некогашниот вицепремиер Артан Груби и кој се плаши од неговиот исказ. СДСМ беше сојузник на криминалот на Груби, затоа денеска толку силно го бранат. Ако тој прозбори, голем дел од поранешните функционери на СДСМ, ќе треба да седнат на обвинителна клупа – велат од владејачката ВМРО-ДПМНЕ.

Театарот и режираното сценарио со Груби веќе станаа циркус пред очите на целата јавност. Најпрвин домашни безбедносни па странски служби дале проценка за безбедноста на Груби. Недостигаат уште „жолтите комбиња“ за сликата да биде комплетна-велат социјалдемократите.

И додека ВМРО-ДПМНЕ го повикува Обвинителството да ги истражи сите сомнежи кои тие ги изнеле во јавноста, СДСМ по сето од нив кажано велат нема посилна потврда дека сè е договорено и смислено.

 

Миле А. Ристески