Франција и Швајцарија на чекор до финале

Селекциите на Франција и Швајцарија се изборија за сериозна предност во полуфиналните натпревари од тенискиот Девис куп. 

На дуелот во Женева, Станислас Вавринка го совлада Фабио Фоњини со 3:0 по сетови откако победа во три сета славеше и Роџер Федерер над Симоне Болели.

Во другото полуфинале и Франција по првиот ден има предност од 2:0 во дуелот со Чешка.

Победи за „Триколорите“ остварија Ришард Гаске и Жо Вилфред Цонга во мечевите со Томас Бердих односно Лукас Росол.

Утре се мечевите во двојки, а в недела преостанатите два сингл мечеви.