Белата куќа потврди: САД се во војна со „Исламска држава“
Белата куќа соопшти синоќа дека САД се во војна против џихадистите од „Исламска држава“ (ИД).
Државниот секретар на САД Џон Кери, кој е на турнеја низ Блискиот Исток за формирање на широка коалиција против ИД, вчера не го употреби терминот „војна“ за квалификување на проширувањето на американската воена операција против ИД во Ирак и Сирија, туку оцени дека тоа е „антитерористичка операција“ која ќе трае определено време, додека не бидат исполнети нејзините цели.
Белата куќа соопшти синоќа дека САД се во војна против џихадистите од „Исламска држава“ (ИД).
Државниот секретар на САД Џон Кери, кој е на турнеја низ Блискиот Исток за формирање на широка коалиција против ИД, вчера не го употреби терминот „војна“ за квалификување на проширувањето на американската воена операција против ИД во Ирак и Сирија, туку оцени дека тоа е „антитерористичка операција“ која ќе трае определено време, додека не бидат исполнети нејзините цели.
Пентагон и Белата куќа, меѓутоа, ги отстранија сите сомненија како го сфаќаат конфликтот.
„САД се во војна со ИД, и исто така продолжуваме да сме во војна со Ал каеда и нејзините сојузници ширум светот“, изјави портпаролот на Белата куќа Џош Ернест.
Од минатиот месец досега американските борбени и беспилотни авиони нанеле 160 удари врз ИД во Ирак.