Први парламентарни избори во Непал по насилното востание и политичките превирања
Бунтот, предводен главно од млади демонстранти, ја отвори вратата за длабоки политички промени во земјата и ги засили барањата на новата генерација за реформи во хималајската држава.
Милиони граѓани на Непал в четврток гласаат на првите парламентарни избори по насилното востание што ја собори претходната влада. Бунтот, предводен главно од млади демонстранти, ја отвори вратата за длабоки политички промени во земјата и ги засили барањата на новата генерација за реформи во хималајската држава.
Во пресрет на гласањето властите ги зајакнаа безбедносните мерки низ целата земја. Изборите се клучен тест за стабилноста и идниот политички правец на земјата по турбулентниот период на немири.
„На овие избори, сите политички партии, без разлика дали се стари или нови, се повеќе фокусирани на младите. Тоа е голема промена во нашата изборна историја“, изјави Боџрај Похарел – аналитичар и поранешен главен изборен комесар на Непал.