Невреме во Хрватска, во Карловац прогласена вонредна состојба

Во хрватски Карловац денеска е прогласена вонредна состојба поради висок водостој на реките Корана и Купа. Дождот кој непрекинато врне во Хрватска предизвика големи поплави, посебно на подрачјето на Дубровник.

Поплавени се 50 куќи, а полицијата и пожарникарите спасуваат луѓе заробени во надојдената вода. Спасени се седум лица меѓу кои две деца и една неподвижна жена.