Дизелот поскапува за 14,5 денари, бензинот за 5
Донесена е нова одлука за највисоките малопродажни цени на нафтените деривати во земјава. Дизелот значително поскапува и ќе се продава по 85,50 денари за литар, додека бензинот ЕУРОСУПЕР БС-95 ќе чини 79,50 денари.
Дизелот поскапува за 14,5 денари, а бензинот за 5 денари, согласно новата одлука за највисоките малопродажни цени на нафтените деривати и горивата за транспорт во државата на Регулаторната комисија.
Според новиот ценовник, дизел горивото (ЕУРОДИЗЕЛ БС) ќе се продава по 85,50 денари за литар, додека цената на најкористениот моторен бензин ЕУРОСУПЕР БС-95 е утврдена на 79,50 денари за литар.
Цената на бензинот ЕУРОСУПЕР БС-98 ќе изнесува 81,50 денари за литар. Екстра лесното масло за горење (ЕЛ-1) ќе се продава по 82,50 денари за литар, додека мазутот М-1 НС ќе чини 42,586 денари за килограм.