Пониски цени за над 300 лека, меѓу кои и „Ксарелто“

Повеќе од 300 лека од 1-ви мај ќе имаат пониски цени. Меѓу нив „Ксарелтото“ за третман на кардиоваскуларни заболувања. Ќе се овозможи поголема достапност на терапијата информираа од Министерството за здравство кое го спроведе годишното усогласување на максималните цени за лекови годинава.

Од Фондот велат, доколку некои од лековите на кои ќе им се намали цената се на позитивна листа, ќе се намали доплатата за некои лекови или воопшто да нема.

Колку и да се обидуваат здравствените власти, граѓаните поевтини лекови набавуваат во соседството.

Надлежните работат на ревидирање и проширување на позитивната листа со нови генерации на лекови.

Наташа Јанчиќ – Менковски