Луѓето со Даунов синдром соочени со многу проблеми
Полнолетството, кошмар за родителите на децата со Даунов синдром. Нема младински центри, ниту некој сака да ги вработи, финансиската помош е мала. На Светскиот ден испратена порака – ние сме различни по нешто, но еднакви по вредност...
Таа ќе биде до него додека дише, но кој ќе се грижи за Стефан потоа, е прашањето што ја мачи Сузана Бошковска, мајка на дете со Даунов синдром. Таа до пред 5 години работела, а за Стефан се грижел татко му се до неговата смрт. Сега живеат од пензија, а откако ќе наполни 26 години, Стефан ќе добие 5.000 денари туѓа нега, премалку пари за живот.
Проблемот се јавува уште кога децата ќе станат полнолетни. Нема младински центри, а ретки се оние кои им даваат можност да работат. Родителите имаат забелешка и на проценката на функционирањето и попреченоста што ја прават центрите.
Додека надлежните да направат реална проценка и да им пружат рака на родителите и на лицата со Даунов синдром, тие битката ја бијат сами.
Наташа Јанчиќ Менковски