Владата напладне ќе одржи вонредна седница

Владата напладне ќе одржи вонредна седница. Ќе се носат мерки за ублажување на ценовниот удар. На повидок е намалување на стапката на ДДВ од 18 на 10 проценти. Поради растот на цената на нафтата на светските берзи и очекувањата горивата утре повторно да поскапат, итни мерки побара и опозицијата, која предупреди дека спиралата на раст на основните прехранбени производи е веќе започната.

Цените на горивата растат поради кризата на Блискиот Исток, а владата на Мицкоски не презема ништо, велат од СДСМ. Според партијата, растат и цените на храната, а поскапувањата се силен удар врз стандардот на граѓаните.