Најмалку 66 лица загинаа во пад на воен транспортен авион во Колумбија
Министерството за одбрана потврди дека несреќата се случила во општина во амазонска покраина, која граничи со Перу и Еквадор...
Најмалку 66 лица загинаа, а десетици се повредени откако се урна транспортен авион со 128 луѓе, претежно војници, кратко по полетувањето во југозападна Колумбија. Министерството за одбрана потврди дека несреќата се случила во општина во амазонска покраина, која граничи со Перу и Еквадор.
„Во авионот имаше 128 лица, вклучувајќи 11 членови на екипажот од колумбиските воздухопловни сили, 115 војници од националната армија и двајца од националната полиција … за жал, како резултат на оваа трагична несреќа, 66 од нашиот воен персонал загинаа и моментално се во процес на идентификација“, изјави Генерал Хуго Лопез Барето, генерален командант на војската на Колумбија.
Министерството за одбрана уверува дека истрагата ќе биде ригорозна, транспарентна и спроведена што е можно побрзо.