Продолжен куќниот притвор на Артан Груби

Кривичниот суд му го продолжи куќниот притвор на Артан Груби за уште 30 дена. Прифатен е предлогот на Обвинителството. Останува и мерката за 24-часовен надзор што го спроведува МВР. Поранешниот вицепремиер минатиот месец беше уапсен откако се појави на граничниот премин Блаце. 

Осомничен е за проневера од 8 милиони евра во случајот Државна лотарија.