Мета и Јутјуб прогласени за одговорни за предизвикување штета врз менталното здравје на млада девојка

Мета и Јутјуб прогласени за одговорни во значајното судење за зависност од социјалните медиуми. Поротниците во Лос Анџелес утврдија дека Мета, која е сопственик на Инстаграм, Фејсбук и Ватсап, и Гугл, сопственик на Јутјуб, намерно изградиле платформи за социјални медиуми кои предизвикуваат зависност и му наштетиле на менталното здравје на 20-годишната девојка. На жената, позната како Кејли, и беа доделени 6 милиони долари отштета, резултат што веројатно ќе има импликации за стотици слични случаи што сега се во американските судови.

„Пресудата беше утврдување одговорност по сите точки од обвинението и против Мета и против Јутјуб. Тие открија дека Мета била небрежна во начинот на кој ја дизајнирала и управувала својата платформа. Одбраната на Јутјуб, дека тие се само медиум, беше игнорирана од поротата“, изјави Марк Ланиер, адвокат на тужителите.

Мета и Гугл одделно изјавија дека не се согласуваат со пресудата и дека ќе поднесат жалба.