Од викендов почнува летното сметање на времето

Македонија преминува на летно сметање на времето. Стрелките на часовникот точно во 2 часот по полноќ ќе се поместат еден час напред, со што наместо 2, ќе се смета дека е 3 часот.

Оваа промена значи дека ќе спиеме еден час помалку, но од утре, деновите ќе бидат подолги и ќе имаме повеќе дневна светлина во попладневните часови.

Летното сметање на времето годинава ќе трае до 25-ти октомври.

Промената е во согласност со законските регулативи и европските директиви.