Една жртва во поплавите во Србија, загрозени над 1.000 семејства

Во поплавите што ја зафатија општина Кладово на истокот на Србија загина постара жена во населеното место Текија, а загрозени се над 1.000 семејства. Таму ситуацијата е најтешка и во тек е евакуација со чамци и хеликоптери.

Кладово уште од изутрината е отсечено – надојдената вода збриша два моста и ја пресече Ѓердапската магистрала.

Голема штета поради силниот дожд и ветер претрпе и хидроелектраната „Ѓерап два“, но нејзината работа не е загрозена.