Русија подготвува втор танкер со нафта за Куба

Русија подготвува втор танкер со нафта за Куба, откако Трамп рече дека не му пречи испораката, и покрај тековната американска блокада.

Островот добива нафта првпат за три месеци, откако првата руска пратка со 730.000 барели пристигна во момент на сериозна енергетска криза и повеќекратни прекини во снабдувањето и недостиг на електрична енергија.

„Куба е во целосна блокада, отсечена е. Руски брод ја проби блокадата. Втор брод се товари во моментов, нема да ги оставиме Кубанците сами во неволја. Ќе продолжиме да развиваме енергетски договори и врз основа на нашите принципи на енергетска правда и технолошки суверенитет, ќе ги склучиме со сите земји“, изјави Сергеј Цивилјов – министер за енергетика на Русија.