Приведени 10 возачи за безобѕирно возење- дел без дозвола, дел под дејство на алкохол
Во полициска акција низ државата, приведени се 10 возачи поради тешки сообраќајни прекршоци, меѓу кои возење без дозвола, под дејство на алкохол и во спротивна насока.
Десет возачи се лишени од слобода во текот на изминатото деноноќие на територијата на државата поради безобѕирно управување со возило, информираат од полицијата.
Од нив, четворица управувале возило без возачка дозвола, а уште четворица биле под дејство на алкохол. Еден возач бил затекнат како вози во спротивна насока, додека друг управувал возило и покрај активна забрана.
Според информациите, двајца од возачите без дозвола биле регистрирани во Тетово, а по еден во Кратово и Кочани. Возачи под дејство на алкохол биле затекнати во Куманово, Свети Николе, Прилеп и Гевгелија.
Во Куманово е регистриран и случај на возач кој управувал мопед во спротивна насока, додека во Скопје е приведено лице кое возело и покрај изречена забрана.
По целосно документирање на случаите, против сите ќе бидат поднесени соодветни кривични пријави.
Од полицијата апелираат до граѓаните да ги почитуваат сообраќајните правила, да не управуваат возило без дозвола, под дејство на алкохол или со изречена забрана, со цел зголемување на безбедноста во сообраќајот.