Граѓаните се подготвуваат за Велигден, се задржуваат традициите
Денеска е Велипеток, најтешкиот и најтажен ден во христијанството. Илјадници верници се во храмовите. Граѓаните се подготвуваат за Велигден, а се задржуваат обичаите и традициите.
Денеска е Велипеток, најтажниот и најтежок ден во христијанството. Не бијат камбаните, не тропаат клепалата, нема богослужби. Уште од изутрината илјадници верници влегоа во храмовите, а такви редици одамна не се паметат. Смирено чекаат да влезат, да ја целуваат плаштеницата, да остават велигденско јајце, да се помолат. Денеска не се работи, строг пост е, се тагува.
Привршуваат подготовките, граѓаните се во исчекување на Христовото воскресение. Ги задржуваат традициите, ја подготвуваат трпезата, желни да се собере семејството. Сите обичаи во себе ја носат надежта.
Христијаните се подготвени за најголемиот празник – Велигден.
Елизабета Митреска