Владата ќе расправа за нови мерки за растот на цените

Ќе има ли нови мерки за заштита на животниот стандард на граѓаните? Ова е прашањето кое денеска ќе се најде на владината седница. Основата за тоа, какви потези ќе се влечат ќе биде извештајот на Државниот пазарен инспекторат за спроведените контроли.

Доколку се констатира непазарно однесување, Владата најави ограничување на профитните маржи или намалување на данокот на додадена вредност за основните прехранбени производи.

Според Државниот завод за статистика, трошоците за живот минатиот месец се зголемиле за 0,7 насто, а истиот месец лани за 4,9 насто, цените на мало пак, за 3,4 насто.

Денеска и Регулаторната комисија за енергетика треба да ги соопшти новите цени на горивата.