Џихадистите на ИДИЛ се заканија со атентат врз папата Франсис

Џихадистите му се заканија директно на папата. Ирачкиот амбасадор во Ватикан тврди дека планираат атентат против Франсис за време на посетата на Албанија в недела или на Турција во ноември, а не е исклучена можноста да нападнат во Рим.

ИДИЛ со нов видео запис „пламенот на војната“ им се закани на САД и со напади врз нивна почва. На снимката демонстрираат експлозии на тенкови и ранети американски војници. Видеото завршува со зборовите „битката започнува“. Во Рамади, Фалуџа и Хадита во тек е офанзива на ирачките сили, а курдската Пешмерга ослободила неколку христијански села околу Мосул.