Обвинетиот Стојанче Јовановски со своја верзија за трагичниот случај, тврди дека бил жртва

За животот со Ивана, купувањето на стан, сомнежите и конфликтите поради Мартин Саздов, дрогата во автомобилот и случките од кобниот ден кога згасна животот на Ивана и на Катја, во Кривичниот суд свој исказ даде Стојанче Јовановски. Тој рече дека проблемите во бракот, кавгите биле поради Мартин, бидејќи ја уценувал Ивана со експлицитни содржини и ѝ се заканувал, дури и Катја се обидел да ја земе од училиште за да изврши притисок Ивана да го остави.

По барање на обвинителство на рочиштето исказ дадоа и судските вештаци. Рекоа дека во предел од левата страна на брадата Ивана имала три модринки настанати една недела пред несреќата. А на десната страна на вратот, под долната вилица имала крвни подливи кои укажувале дека повредите се направени дента или еден ден претходни.

Стојанче Јовановски е обвинет дека ја навел на самоубиство својата сопруга Ивана, која се самоуби на 2-ри март по пад од балкон во скопската населба Тафталиџе, заедно со шестгодишната ќерка Катја. Тој се товари и за загрозување на сигурноста на Ивана и за телесни повреди при вршење на насилство.

Наташа Јанчиќ – Менковски