Министерот за трговија и интеграции на Република Казахстан во работна посета на земјава

Во работна посета на земјава престојува министерот за трговија и интеграции на Република Казахстан, Арман Шакалиев. Тој предводи делегација на бизнисмени од Казахстан. Ќе учествуваат на бизнис форум со претставници на македонската деловна заедница.

Во рамки на посетата е предвидено со шефот на дипломатијата Муцунски да остварат тет-а-тет средба. На неа се очекува да се разговара за билатералните односи и за можностите за нивно интензивирање, со посебен акцент на економската и трговската соработка.

Двете официјални делегации ќе имаат и пленарна средба.