Луфтханза летово ќе укине 20.000 летови на кратки релации, за да заштеди на гориво

Прекинот во снабдувањето со авионско гориво поради блокадата на Ормускиот теснец, веќе ги принудува европските авиокомпании да ги менуваат рутите и да откажуваат летови.

Германската авиокомпанија Луфтханза најави дека до октомври ќе скрати околу 20.000 летови на кратки релации низ Европа поради високите цени на керозинот, кои значително пораснале од почетокот на конфликтот со Иран.

Од компанијата велат дека ќе заштедат околу 40.000 тони гориво, а дел од линиите ќе се укинуваат или пренасочуваат преку главните хабови во Франкфурт, Минхен и Виена, со најавени дополнителни корекции на мрежата.