Пад на имунизацијата, докторите со едукација за придобивките

Родителите ги имунизираат децата во епидемија или со притисок. Изминатата година лекарите на Институтот за јавно здравје констатираат значителен пад на имунизацијата. Опфатот од 80% е со вакцината хепатитис Б, хемофилиус инфлуенца и ДиТеПер, како и вакцината против пневмокок. Нешто малку над 60% е ротавирусната вакцина, додека опфатот со ХПВ вакцината останува на 50%.

Нискиот опфат на имунизација ги извади здравствените работници на терен, ќе ги едуцираат учениците и родителите зошто е битно да се примат сите вакцини предвидени според календарот. Опфатот со МРП вакцината според последните податоци на институтот за јавно здравје е 62,7%, лекарите велат тоа е ризик и може пак да се врати епидемија на сипаници.

Докторите од превентивна здравствена заштита на учениците од седмо, осмо и деветто одделение во скопските основни училишта им држат предавање за да ги запознаат со придобивките од ХПВ вакцината, со која од пред две години се опфатени и момчињата.

Според докторката Ристова ова е резултат на неинформираноста на родителите.

Докторката Ристова вели поради недоволната имунизациска покриеност ќе ни се повтори епидемијата на морбили каква што ја имавме пред 8 години, 1.900 деца беа заразени, 4 бебиња починаа.

Наташа Јанчиќ - Менковски