20 нови консултанти ќе ги зајакнуваат домашните компании
Ќе бидат опфатени вкупно 105 компании кои се пријавија на објавениот оглас за експертска помош...
Дваесетина нови странски конултанти ќе го зајакнуваат капацитетот на домашните компании од прехрамбената индустрија, производството, ИКТ и техничко-технолошкиот сектор. Освен од Холандија и Германија, експерти ќе дојдат и од други земји, и од ЕБРД!
Портпаролот на Владата, Александар Ѓорѓиев денеска информира дека овие експерти се ангажирани во вториот циклус од проектот, кој започна на почетокот на годинава и се очекува да заврши во средината на наредната година. Ќе бидат опфатени вкупно 105 компании кои се пријавија на објавениот оглас за експертска помош.
Ѓорѓиев истакна дека за Владата е важно што во овој циклус ќе бидат опфатени компании од целата територија на Република Македонија со различна големина и од различни сектори.