Собранието во процесот на пристапување во ЕУ
Во законодавниот дом продолжи дебата за улогата на Собранието во процесот на пристапување во Европската унија. Прашања од граѓаните до политичарите за донесувањето закони по скратена постапка и со европско знаменце, за изборниот модел и уставните измени.
Секој со свое гледање на патот кон Европската унија, во зависност дали е од власта или опозицијата. Граѓаните прашуваа за собраниските тела и процесот на пристапување кон ЕУ, политичарите со меѓусебна жестока реторика.
Не очекувајте ништо од европскиот пат, премиерот рече ќе чекаме ако треба и децении. Не е ништо сработено од реформската агенда, вели првиот човек на социјалдемократите Венко Филипче.
Претходната власт не донесе во ќор-сокак и сега бараме решенија. Добиениот грант од Европската комисија е показател за исполнување на дел од задачите. Опозицијата треба да ни се доближи во интерес на националните интереси, реплицираше пратеничката на ВМРО-ДПМНЕ, Ели Панова.
Екс-министерот за надворешни работи Османи укажа дека хрватската власт и опозиција постигнаа договор да не се конфронтираат кога станува збор за членството во ЕУ. Потребно е да се постигне заеднички став за спроведување на ЕУ стандардите, унијата и Брисел се претворени во инструмент на дневна политика-песимистичен е Османи.
Анкетите, беше кажано, укажуваат дека 70 проценти од граѓаните се за влез во Европската унија, но 80 насто се против отворање на Уставот.
Миле А. Ристески