Поддршка од Швајцарија за интеграцијата на Македонија во ЕУ
Македонија бара евроинтеграција под исти услови како и за другите кандидатки за членство – претседателката Сиљановска – Давкова оваа порака ја испрати по средбата со швајцарскиот колега. Пармелан, чијашто земја не е дел од ЕУ категоричен – ги поддржуваме реформите зашто сакаме стабилен и безбеден Западен Балкан.
Во време на нестабилност, евроинтеграцијата е неопходна за безбедноста на Европа, заклучија претседателите на Швајцарија и Македонија, при посетата на Пармелан во Скопје. Македонија е за евроинтеграција под исти услови како и другите кандидати според исполнетите реформи неопходни за приближување кон ЕУ, истакнала претседателката Сиљановска-Давкова.
Стабилен и безбеден Западен Балкан е важен за Швајцарија и затоа ќе продолжиме со поддршка на реформите за интеграција во ЕУ, порача претседателот на Швајцарија во Скопје.
Швајцарија како дел од шенген-зоната нема да го одложи спроведувањето на системот за влез и излез за македонските државјани до септември.
Ирина Гелевска