Укинувањето на техничката влада на пленарна седница
Рецидив од минатото или гаранција за фер и демократски избори. Власта и опозицијата со спротивставени мислења за техничката влада. Предлогот за нејзино укинување е пред пратениците. СДСМ ја остварува заканата – не учествува во работната група за реформа на изборното законодавство.
За власта, техничката влада е рецидив од минатото и треба да се укине, за опозицијата таа е гаранција за фер и демократски избори и не може без консензус да се оди кон такво решение. Предлогот влезе во собраниска процедура.
Европскиот фронт побара да се прекине расправата и за техничката влада да се дискутира во Комитетот за односи меѓу заедниците. Мнозинство го отфрли овој предлог.
СДСМ ја оствари заканата и поради укинувањето на техничката влада не се појави на состанокот на работната група во Министерството за правда да изработка на новиот Изборен законик. Филков потегот го нарече неодговорен и штетен за реформите.
Укинувањето на техничката влада треба да важи не од следните избори, туку од оние по нив.
Игор Панов