Жестоки руски напади низ Украина врз енергетската инфраструктура

Русија изврши жестоки напади низ Украина, насочени кон енергетската и пристанишната инфраструктура во Николаев, Кривји Рог и Одеса. Оштетени се и станбени области, а пријавени се загинати и повредени во Харков и Херсон. Нападите доаѓаат како одговор на повторените украински удари врз рафинеријата во Туапсе. Зеленски изјави дека Русија се обидува да ја надмине украинската противвоздушна одбрана преку интензивни напади и дека Киев работи со партнерите за нејзино зајакнување. Москва порача дека решение е можно само ако НАТО се откаже од стратегијата за пораз на Русија, додека САД најавија дека Европа треба да ја преземе водечката улога во финансирањето на Украина.

„Свесни сме дека Русите се обидуваат да ги заобиколат нашите системи за одбрана преку обемот и силата на нападите. Ќе се спротивставиме, но мораме дополнително да ја зајакнеме одбраната на нашите градови и села“, изјави Володимир Зеленски, претседател на Украина.