Ново рочиште за случајот „Пулс“

Ново рочиште во судницата во Идризово за кочанската трагедија во дискотеката „Пулс“. Обдуцентите ќе појаснат за токсичноста на гасот и штетните испарувања, за да се разјаснат околностите поради кои дошло до смртен исход. На претходното судење обвинителството ги презентираше извештаите од обдукциите, посочувајќи дека труење со јаглерод моноксид е причината за смртта кај повеќе од 90 насто од починатите во дискотеката.

Неколкумина починале и од задушување откако останале без воздух, а уште неколку поради силен притисок на градниот кош. Последните тројца сведоци на Обвинителството не дојдоа и на минатото судење.