Кривични пријави против родители на малолетнички по врсничкото насилство во Ѓорче Петров

Единицата за внатрешни работи Ѓорче Петров при СВР Скопје поднесе шест кривични пријави до Основно јавно обвинителство Скопје против родители на малолетнички, осомничени за „запуштање и малтретирање дете“.

Како што информираат од полицијата, пријавите се поднесени затоа што нивните малолетни деца извршиле физички напад врз 13-годишно девојче во скопската населба Ѓорче Петров.

Претходно, на 29 април, во врска со истиот случај, поднесена е кривична пријава и против четири малолетнички осомничени за насилството.

Надлежните институции продолжуваат со постапката за целосно расчистување на случајот, информираат од МВР.