Без предрасуди кон децата со нарушен раст

Кристина има 7 ипол години. За разлика од нејзините врснички нејзиниот раст е многу помал.

Во земјава 100 дечиња примаат хормонскa терапија за раст која е скапа. Уште 40-тина чекаат да влезат на листата. Од буџетот на Фондот за здравство годишно се издвојуваат по 50 милиони денари.

„Парите во овој случај навистина се оправдани бидејќи благодарение со навремена и редовна терапија не е само висината во прашање, во прашање е и нормалниот физички и психички развој на целиот детски организам“, вели Маја Паранџиева Змејкова, директор на ФЗОМ.     

Раната детекција на болеста е најважна, велат докторите.

„Оваа болест не треба да се крие, туку напротив треба да се лекува што порано тоа подобро за детето за да може да биде правилно прифатено во нашата заедница и да има свој социо- економски развој“, рече д-р Оливер Зафировска, директор на ЈЗУ за белодробни заболувања.

И меѓусебното дружење на децата е дел од терапијата..

„Особено ми е драго што на последниот камп во Отешево успеавме да ги мотивираме сите дечиња, само да почнат да ја аплицираат терапијата непосредно пред спиење, а со тоа да го подобрат квалитетот на живот на нивните родители“, вели Александат Петровски, претседател на здружението на деца до ендокринолошки заболувања „Раст“.

Предрасуди се уште има. Родителите што имаат вакви деца ги кријат дури и од најблиските.

Во Македонија за прв пат се одбележува светскиот ден на децата со нарушен раст. Целта е да се укаже на физичката активност како предуслов за здрав раст и развој кај децата.

Андријана Атанасовска