Заловен волк во Козле, бил чуван како домашен миленик

Волк кој бил чуван како домашен миленик синоќа бил забележан во скопската населба Козле. По пријава од граѓани, интервенирале полицијата, екипи од Зоолошката градина Скопје и претставници на Град Скопје, по што животното било безбедно заловено и пренесено во ЗОО Скопје.

Од Зоолошката градина информираат дека волкот е сместен во карантин и е под постојан здравствен надзор. Посочуваат дека станува збор за питомо и мирно животно, но потсетуваат дека чувањето диви животни како домашни миленици е забрането и опасно.

Од ЗОО Скопје апелираат граѓаните да пријавуваат случаи на нелегално чување диви животни до надлежните институции.