Повисока цена на горивата од полноќ
Од РКЕ посочуваат дека бензинот ЕУРОСУПЕР БС-95 поскапува за два денари, додека ЕУРОСУПЕР БС-98 и дизелот се зголемуваат за 2,5 денари по литар, во однос на претходната одлука.
Регулаторната комисија за енергетика донесе нова одлука за цените на нафтените деривати, со која од полноќ се зголемуваат цените на бензините и дизелот. Во просек, малопродажните цени растат за 1,84 проценти, додека екстра лесното масло за домаќинство поевтинува за половина денар.
Од РКЕ посочуваат дека бензинот ЕУРОСУПЕР БС-95 поскапува за два денари, додека ЕУРОСУПЕР БС-98 и дизелот се зголемуваат за 2,5 денари по литар, во однос на претходната одлука.
Според новата одлука на Регулаторна комисија за енергетика, од полноќ цената на ЕУРОСУПЕР БС-95 ќе изнесува 87 денари за литар, додека ЕУРОСУПЕР БС-98 ќе се продава за 89 денари за литар. Цената на ЕУРОДИЗЕЛ БС (Д-Е V) се утврдува на 92 денари за литар, а екстра лесното масло за домаќинство ќе чини 93,5 денари за литар.
Во образложението на одлуката се наведува дека растот на цените е резултат на движењата на светските берзи, каде бензините бележат зголемување од речиси пет проценти, како и промените во курсот на доларот.