Во Охрид средба Мицкоски - Пленковиќ
Македонскиот премиер Христијан Мицкоски во Охрид, ќе оствари средба со претседателот на хрватската влада, Андреј Пленковиќ. По пречекот на охридскиот аеродром „Свети Апостол Павле“, Мицкоски и Пленковиќ ќе имаат тет-а-тет разговор, по што ќе следува и состанок на двете делегации...
Македонскиот премиер Христијан Мицкоски во Охрид, ќе оствари средба со претседателот на хрватската влада, Андреј Пленковиќ. По пречекот на охридскиот аеродром „Свети Апостол Павле“, Мицкоски и Пленковиќ ќе имаат тет-а-тет разговор, по што ќе следува и состанок на двете делегации. Ќе бидат потпишани и договори за стратешка соработка и Меморандум за соработка меѓу македонското Министерство за енергетика, рударство и минерални суровини и Министерство за заштита на животната средина и зелена транзиција на Хрватска.
Двајцата премиери ќе одржат прес-конференција, а средба ќе имаат и претставниците на бизнис-заедниците од двете држави.