Поскапуваат бензините и мазутот, цената на дизелот останува иста
Регулаторната комисија за енергетика донесе нова одлука за цените на горивата, со која од полноќ бензините и екстра лесното масло поскапуваат за половина денар по литар, додека цената на дизелот останува непроменета.
Регулаторната комисија за енергетика донесе одлука за нови цени на нафтените деривати, кои ќе се применуваат од полноќ.
Согласно одлуката, малопродажната цена на ЕУРОСУПЕР БС-95 ќе изнесува 87,50 денари за литар, а ЕУРОСУПЕР БС-98 ќе се продава за 89,50 денари за литар. Цената на екстра лесното масло за домаќинство ќе изнесува 94 денари за литар, додека дизелот останува 92 денари за литар.
Од Регулаторната комисија информираат дека бензините и екстра лесното масло поскапуваат за 0,50 денари по литар, а мазутот за 0,330 денари по килограм.
Во просек, цените на нафтените деривати се зголемуваат за 0,46 проценти.