Зголемени цените на услугите во транспорт и складирање, непроменети кај поштенските и курирските

Во првиот квартал годинава во споредба со истиот период лани, цените на услугите во секторот за транспорт и складирање пораснале за 6,5 проценти, објави Државниот завод за статистика.

Според видовите транспорт, цените на копнениот и цевководниот транспорт бележат пораст од 6,7 проценти, додека кај поштенските и курирските услуги остануваат непроменети.

Во истиот период, цените на услугите во секторот Информации и комуникации бележат пораст од 4,2 проценти во одделот Телекомуникации.